O‘zbekiston Respublikasining Vashington shtatidagi Bosh konsulxonasi ikki tomonlama hamkorlikni yanada rivojlantirish maqsadida mahalliy davlat idoralari, biznes hamjamiyati hamda xalqaro tashkilotlar vakillari bilan muntazam hamkorlikni davom ettirmoqda.
Navbatdagi ishchi uchrashuv davomida savdo-iqtisodiy aloqalarni kengaytirish, investitsiyalarni jalb etish, ta’lim, turizm va madaniy-gumanitar hamkorlikni rivojlantirish istiqbollari muhokama qilindi. Tomonlar o‘zaro manfaatli loyihalarni amalga oshirish va amaliy hamkorlikni mustahkamlash yuzasidan fikr almashdilar.
Shuningdek, uchrashuvda Bosh konsulxona tomonidan O‘zbekiston fuqarolariga ko‘rsatilayotgan konsullik xizmatlarini yanada takomillashtirish, xizmatlar sifati va qulayligini oshirish hamda O‘zbekistonning investitsion va turistik salohiyatini targ‘ib qilish borasida amalga oshirilayotgan ishlar haqida ma’lumot berildi.
Uchrashuv yakunida tomonlar o‘zaro muloqotni muntazam davom ettirish, yangi qo‘shma tashabbuslarni qo‘llab-quvvatlash hamda kelgusida ham samarali hamkorlikni rivojlantirishga tayyor ekanliklarini bildirdilar.
O‘zbekiston Respublikasining Vashington shtatidagi Bosh konsulxonasi fuqarolar manfaatlarini himoya qilish, xalqaro hamkorlikni kengaytirish va O‘zbekistonning xalqaro nufuzini mustahkamlash yo‘lidagi faoliyatini izchil davom ettiradi.
