O‘zbekiston Respublikasining Vashington shtatidagi Bosh konsulxonasi AQShning Washington, Oregon, Idaho va Montana shtatlarida istiqomat qilayotgan vatandoshlar bilan hamkorlikni yanada rivojlantirishga alohida e’tibor qaratmoqda.
Bosh konsulxona fuqarolarning huquq va manfaatlarini himoya qilish, ularga konsullik xizmatlarini tezkor va sifatli ko‘rsatish hamda O‘zbekiston bilan doimiy aloqalarni mustahkamlash yo‘lida faol ish olib bormoqda.
Shuningdek, vatandoshlar ishtirokida madaniy-ma’rifiy tadbirlar, uchrashuvlar va ochiq muloqotlar tashkil etilib, ularning taklif va tashabbuslarini qo‘llab-quvvatlashga alohida ahamiyat berilmoqda.
Bosh konsulxona barcha vatandoshlarni rasmiy yangiliklarni kuzatib borishga va tashkil etilayotgan tadbirlarda faol ishtirok etishga chorlaydi.
